От Ерғали к Ғали

Қалайсың досым? Жыламай оқып отырсың деген үміттемін. Ерғали, сен қазір өзіңе деген сенімді жоғалтып жатырсың. Өте нашар деп айтуға қимаймын, бірақ жақсы деп айту да қиын. Ойланып қарасам, саған көп үміт артып, сені қинағым келмейді. Бар сенерім, қазір сен ешкімге ештеңе міндетті емес, бақытты және ауқатты жан шығарсың. Себебі, сен құлап түбінде жатқан үңгір қанша қараңғы болғанымен, басында аз да болсын, көздің қарашығындай жарық көрінеді. Сенің ерігің сол жарықты жоғалтпай жол тауып шығарады деп сенемін. Досым, мен сенемін, сенде бәрі жақсы, бірақ ешқашан қазіргідей қиындықтан өткеніңді ұмытпа. Өзіңнің қайдан және қалай келгеніңді ешқашан ұмытпа. Қазір не болып жатқанын айтайын. Сенім, сезім және жаның жойылудың алдында тұр. Сен қазір дінге де, адамға да, өзіңе де сенбейсің. Сен сезініп жүрген сезімдер өте құбылмалы және түрлі зардаптарын алып келіп жатыр. Сен қазір жан дүниеңді қайтарып жатқандайсың, бірақ белгісіз. Ішкі дүниенің кейбір бөлігін басқалармен бөлісу керек секілді. Кейде “Ветер” келіп сенің жан дүниеңді тұңғиықтан алып шығады деп үміттенесің, бірақ артынша оның баяғыдан бері “Ветер” емес екенін, ал сенің “Ғали” емес екеніңді түсінесің...
Сендегі болған сәтсіз қыз баламен қарым-қатынас жасаудың зардаптары әлі сенің көлеңкейдей, қалмай қуалап жүр.
Бәрі уақытша Ерғали. Сен бір күні “Ветер” үшін емес, өзің үшін “Ғали” болып үйренесің. Сол кезде сен бұл өмірді жеңдің дей бер. Аз қалды, қазір өзіңді жеңудің алдында тұрсың. Не жарық өшеді, не Ерғали Ғалиға өседі. Ал сен осы хатты өз пәтеріңде, достарың мен жақын адамдарыңның ортасында отырып, жәй ғана жымиып қойып оқып отырсын. Ендеше, осы сәтті еске түсіріп, бір күрсініп, ары қарай өміріңді жалғастыра бер, Ғали!
Өзіңді сыйламасаң да, жақсы көресін. Осы хатты оқып отырған кезіңде, өзіңді сыйлап үйреніп қойған болатын бол. Жалғыз артатын үмітім осы.
С/м: Ерғали