Сүйіктіме

Сәлем, Әсем. Қалың қалай? Менде бәрі жақсы. Шынымды айтсам, не дерімді білмеймін. Маған хатты не үшін жазып отырғанымды білген маңызды, ал бір айдан кейін не болуы, не болмауы мүмкін?

Жалпы білесің ғой, менің сені қаншалықты қатты жақсы көретінімді. Әрдайым есімдесің. Негізі қызық сезім екен, сені күтетін, сені ойлайтын, сені де взаимно жақсы көретін адам болғанын біліп жүрген бір нық сезім береді. Өзіңнің әлемге керек екеніңді сезесің. Оған қоса, әкелік инстинкт па білмеймін, әйтеуір бұл әлемнен алып қана емес, беруді де үйренеді екенсің. Басқа адамға қамқор болғым келеді, ол адам сен екеніңе қатты қуаныштымын.

Эхх солай. Көздерің есіме түсіп кетті ғой. Көздерің өте әдемі, ішінде батып кеткім келеді. Бүгінгі сырғамен түскен суретің күшті шыққан. Ұйқылы-ояу жатып көргенде ерекше қатты тиді маған.

Миллион рет айтамын ғой, бірақ сонда да тағы да рахмет саған. Шынымен. Бақытты болудың не екенін бір рет болсын көрдік қой. Осыған дейін менің ойларымның масштабы тек глобалды проблемалар болатын. Ал қазір шамалы тоқтап, дем шығарып, айналамдағы жақындарға қарайтын стимул пайда болды. Білесің бе, менің саған деген махаббатым мені басқа жақындарымды да қаттырақ сыйлауға, бағалауға әсер етті.

Осы сенің аураңды жақсы көремін. Жылы дауысың мен күлгенің маған жан тыныштығын береді. Әрдайым беретін қолдауың әсер етпейді деп санап жатқан болсаң, олай емес екенін біл. Бір айдан кейін сенің мур мур мур деп жазған дауысхаттарыңды әлі де тыңдап жүретін шығармын)) Әзірше жалықпадым. Жалықпаймын да.

Сен үшін үлкен жауапкершілікті сеземін. Есею деген осы екен ғой.

Осыны жазып отырғанда не істеп отыр екенсің.. Шынымен, не? Оқыған кезіңде маған жазып жібер, жарай ма?

Тағы не десем болады екен? Жалпы қазір не істеп жатсаң да сәттілік тілеймін. Қойған мақсаттарыңның орындалуы бұйырсын. Отбасың аман болсын, өзің де аман бол, көңілің түспесін, ешқашан мұңайма. Денсаулығың әрдайым мықты болсын. Сен ауырсаң мен де сезгендей боламын сол ауруды. Махаббат махаббат деп жүріп достарыңды да ұмытпашы. Достық керек, мен ғана болсам аз болады ғой сен сияқты көңілі кең қызға. Маңдайыңнан сүйдім.

Осымен хатымды тәмамдайын. Әрдайым сенікі, Бекнұрдан.

Бонус ретінде мен саған өлең арнадым. Қысқаша ғана, бірақ оның өзі шын жүректен шықты. Ұнатасың деген үміттемін.

Алыстан мен аңсаймын
Елтіткен әсемдігіңді
Күте алмай сағатқа қараймын
Есептеп әр күнімді
Саған бармай тұрғалы

Естісем нәзік даусыңды
Ериді ішім дым қалмай
Көрсем мөлдір көзіңді
Ұрады жүрегім тоқтамай

Уылжыған тәтті исің
Айналдырды басымды
Іңкәрлі жұмсақ ерінің
Арбады бар көңлімді

Періштедей мінезің
Осал ыстық жүрегің
Таза асыл ақылың
Лайық па оған еркегің?

Жер анамыз сен үшін
Жаралғандай іспетті
Мойныңдағы моншағың
Табиғат ата секілді

Қалай осы Аллаға
Серік қоспай, күнә алмай
Сипаттауға сені болады?

Сезімім алып таудай
Барады ішіме сыймай
Айтшы, қалай білдірем?
Марғауым, сені ұялтпай?

Көрісетін күнімді
Асыға асыға күтемін
Бар денеммен, санаммен
Қатты сені сүйемін...